Ер адамдар саранбанда ғылыммен айналысып, елге қызмет ететін шенеунік болу үшін кваго емтиханына дайындалатын. Чосон дәуірінде жоғарғы мемлекеттік емтиханды тапсыру мемлекеттік қызметке орналасу мен отбасына деген үлкен құрметті білдіретін. Квагоның екі түрі болатын - мунгва және мугва>: біріншісі азаматтық бөлім бойынша мемлекеттік қызмет емтиханы болса, екіншісі - әскери бөлім бойынша. Ел басқарумен айналысатын шенеуніктер мен әскери істермен айналысатын шенеуніктер сарайға кірерде само бас киімі мен «таллён» деп аталатын салтанатты шапан киген. Шенеуніктерді киімнің төсі мен арқасында тігілген хюнбэге (дәреже белгішесі) қарап ажыратуға болатын: азаматтық топтағы шенеуніктер киімінде тырна, ал әскери топ шенеуніктердің киімінде жолбарыс тігілген.